DETAJET/ Shpërthimi në Vlorë, eksplozivi plasi sapo 33-vjeçari hapi garazhin! Si i shpëtoi një atentati 4 vite më parë (VIDEO)

Kanë dalë detaje të reja rreth ngjarjes së rëndë që tronditi qytetin e Vlorës pak minuta më parë.

Sipas burimeve, shënjestra e atentatit, 33-vjeçari Indrit Sadetini është futur në garazhin e tij për të marrë automjetin dhe atë moment eksplozivi ka shpërthyer.

Sadetini i kishte shpëtuar një atentati në vitin 2017 kur i kishin vënë eksploziv në makinë. Në atë kohë ai e pikasi lëndën shpërthyese dhe njoftoi policinë.

I riu është dërguar në spital ku ndodhet në gjendje të rëndë për jetën ndërkohë që shërbimet e policisë ndodhen në vendin e ngjarjes dhe po punojnë për zbardhjen e plotë të rrethanave të saj./albeu.com/


Shtuar 19.12.2021 16:13