Të paktën 13 njerëz kanë ndërruar jetë pasi një fabrikë fishekzjarrësh u përfshi nga flakët në rajonin Yaroslavl të Rusisë.
Të lidhura
None found
Ngjarja ndodhi në uzinën që ndodhet në fshatin Kubrinsk, pranë qytetit Pereslavl-Zalessky, raportoi agjencia shtetërore e lajmeve TASS, duke iu referuar shërbimeve të emergjencës.
Zjarri shkatërroi dy ndërtesa të fabrikës. Për shuarjen e flakëve dhe menaxhimin e situatës u angazhuan rreth 100 zjarrfikës.
Guvernatori i rajonit Yaroslavl, Mikhail Evrayev, konfirmoi përmasat e ndërhyrjes emergjente. Ndërkohë, autoritetet kanë hapur një hetim paraprak penal për shkelje të rregullave të sigurisë në uzinë.
Hetuesit rusë po punojnë për të përcaktuar shkakun e zjarrit dhe rrethanat e sakta që çuan në humbjen e jetëve.
