Autoritetet iraniane shpallën sot tre ditë pushimi në Teheran për funeralin e Ajatollah Ali Khamenei, i cili sundoi Iranin për 37 vjet dhe u vra nga sulmet izraelito-amerikane në ditën e parë të luftës, më 28 shkurt.
Programi i funeralit kërkon që t’i bëhen nderime Khameneit nga 4 deri në 6 korrik dhe çdo gjë në kryeqytet të mbyllet, tha për televizionin publik një nga organizatorët, Hassan Hassanzadeh. Sipas mediave të huaja, Ali Khamenei do të varroset më 9 korrik në qytetin e shenjtë të Mashhadit, nga i cili kishte edhe prejardhjen
Të lidhura
None found
Ali Khamenei u vra më 28 shkurt 2026, gjatë një sulmi ajror në Teheran, pjesë e një operacioni ushtarak të përbashkët nga Shtetet e Bashkuara dhe Izraeli. Vdekja e tij u konfirmua zyrtarisht nga qeveria iraniane dhe media shtetërore më 1 mars 2026.
Pas vdekjes së tij, u shpallën 40 ditë zie kombëtare. Aktualisht, pasardhësi i tij në postin e Udhëheqësit Suprem është djali i tij, Mojtaba Khamenei, i cili u emërua në këtë detyrë më 1 mars 2026, ndonëse ka pasur raporte të vazhdueshme dhe spekulime lidhur me gjendjen e tij shëndetësore pas sulmit në të cilin u vra babai i tij.
