Rusia do të padisë Ukrainën për rolin e saj në sulmin terrorist në Moskë, tha sot zëdhënësja e Ministrisë së Punëve të Jashtme ruse, Maria Zakharova për kanalin e parë të televizionit kombëtar.
“Rusia synon të paraqesë një kërkesë në Gjykatën Ndërkombëtare të Drejtësisë dhe dokumentacioni ligjor në lidhje me këtë është duke u përgatitur,” tha ajo.
“Përcjellja e kërkesave antiterroriste nga Rusia në Ukrainë është pjesë e procedurës së detyrueshme”, shpjegoi Zakharova.
Ministria e Jashtme tha më herët se hetuesit rusë kishin gjetur prova që tregojnë përfshirjen e Ukrainës në sulmin terrorist të 22 marsit në Sallën Crocus të Moskës, i cili vrau 144 njerëz.
Ministria e Punëve të Jashtme ruse i dërgoi një kërkesë qeverisë ukrainase, në kuadër të Konventës Ndërkombëtare për Ndalimin e Bombardimeve Terroriste dhe Konventës Ndërkombëtare për Ndalimin e Financimit të Terrorizmit, duke i bërë thirrje Kievit të arrestojë dhe ekstradojë menjëherë të gjithë personat të përfshirë në sulm, ndër të cilët dhe kreu i Shërbimit të Sigurisë së Ukrainës (SBU) Vasiliy Malyuka.
