Një ngjarje e rëndë është shënuar mbrëmjen e së dielës në Little River, Karolina e Jugut, ku të paktën 11 persona janë plagosur si pasojë e një të shtënë me armë zjarri.
Sipas Policisë së Qarkut Horry, incidenti ndodhi rreth orës 21:30 pranë një moli në zonën e Intracoastal Waterway, rreth 30 kilometra në verilindje të Myrtle Beach. Të plagosurit janë transportuar në spital nga shërbimi i urgjencës, ndërsa autoritetet konfirmuan se disa të tjerë kanë mbërritur në spital me mjete private.
Policia deklaroi se ngjarja po trajtohet si një “incident i izoluar” dhe se nuk ka rrezik për komunitetin në këtë moment. Hetimet janë ende në vijim, ndërsa publikut i është kërkuar të shmangë zonën ku ndodhi ngjarja, për të mos penguar punën e forcave të sigurisë.
Autoritetet pritet të japin më shumë informacion në orët në vijim.
