Që prej shpërthimit të flakëve më 22 korrik, autoritetet kanë urdhëruar largimin e më shumë se 220 mijë banorëve nga rajonet e kërcënuara në jugperëndim të Francës, teksa zjarret masive vijojnë të mbeten krejtësisht jashtë kontrollit.
Të lidhura
None found
Forcat zjarrfikëse po përballen me një betejë të ashpër në rajonin e Gironde-s, ku tashmë janë shkrumbuar rreth 42 mijë hektarë tokë. Vatra kryesore ndodhet afërsisht 15 kilometra nga periferitë e Bordo-s dhe zyrtarët po ndjekin me shqetësim të thellë avancimin e saj, të favorizuar nga vegjetacioni i tharë dhe erërat e forta.
Në terren janë angazhuar mijëra efektivë, përfshirë zjarrfikës, forca të ushtrisë dhe trupa sigurie. Kapiteni i zjarrfikësve, Nicolas Braz, e përshkroi situatën si një zjarr “të çrregullt dhe të pakontrollueshëm”, i cili tashmë po gjeneron vorbulla të fuqishme ere.
Ministri i Brendshëm francez, Laurent Nunez, e cilësoi gjendjen si “jashtëzakonisht të pafavorshme”, ndërkohë që presidenti Emmanuel Macron premtoi se do t’u qëndronte pranë zonave të prekura me mbështetje të plotë.
Ndërkohë, edhe Spanja po përballet me zjarre shkatërruese, duke detyruar evakuimin e më shumë se 90 mijë personave nga zonat përreth Madridit dhe Avilës.
