39-vjeçari vdes në aksident, shteti italian i jep dëmshpërblim gruas së tij dhe të dashurës

Një ngjarje e pazakontë ka ndodhur në Itali pas vdekjes së një italiani në një aksident automobilistik.

Sipas mediave fqinje kanë marrë dëmshpërblim gruaja, me të cilën kishte një fëmijë, por edhe e dashura e tij me të cilën kishte një lidhje jashtë martesore.

Italiani 39-vjeçar, humbi jetën në një aksident në vitin 2020. Në momentin që trupi ishte transportuar në morg, gruaja e tij kishte shkuar me pushime dhe ishte e dashura e tij që njohu viktimën.

Në këtë moment e dashura e të ndjerit kërkoi të drejta, duke përmendur lidhjen e tyre dhe planet që kishin për të ardhmen.

“Ajo ishte e lidhur me këtë burrë dhe kishin plane për krijimin e një jete sëbashku”, tha avokati mbrojtës i zonjës.

Më tej ajo shtoi se 39-vjeçari italian kalonte tre ditë me të dhe katër me familjen e tij, duke përforcuar faktin se edhe ajo meritonte të dëmshpërblehej për humbjen e tij.

Në përfundim ajo ka mundur të marrë dëmshpërblim, por nuk dihen shumat që kanë përfituar dy zonjat.

Shtuar 13.05.2021 12:32