Bllokohen dhjetëra mjete në Rrugën e Arbrit, shkak punimet në rrugë

Për shkak të punimeve në rrugë, dhjetëra mjete janë bllokuar në Rrugën e Arbrit, konkretisht në vendin e quajtur ‘Shkalla e Tujanit’.

Punimet po kryhen në skarpatën e rrugës dhe rënia e gurëve masiv në rrugë, ka detyruar automjetet të pengohen në lëvizjen e tyre.

Një situatë e tillë është prej disa muajsh në këtë aks rrugor, teksa drejtuesit e mjeteve bllokohen pa paralajmërim.