Sali Berisha vijoi këtë të mërkurë qëndrimin e tij në Shtetet e Bashkuara të Amerikës, duke zhvilluar një takim me komunitetin shqiptaro-amerikan në Texas.
Biseda u përqendrua te shqiptarët që jetojnë dhe punojnë në këtë shtet. Kreu i Partisë Demokratike vlerësoi pjesëmarrjen dhe pritjen e komunitetit.
Të lidhura
None found
Pas takimit, Berisha ndau në rrjetet sociale një mesazh mirënjohjeje, duke e përshkruar këtë takim si një moment të veçantë me shqiptarët në Texas.
“Falënderim të përzemërt për këtë takim të shkëlqyer me komunitetin shqiptaro-amerikan në Texas!”, shkroi Berisha.
Takimi është pjesë e vizitës së tij në SHBA, gjatë së cilës ai po zhvillon kontakte me komunitete shqiptare dhe përfaqësues të politikës amerikane. Qëndrimi i Berishës përkon me pjesëmarrjen në aktivitete që lidhen me zgjedhjet midterm të Partisë Republikane në SHBA.
Berisha ka nënvizuar vazhdimisht rëndësinë e lidhjeve me diasporën shqiptare. Takimet me shqiptarët në Shtetet e Bashkuara shërbejnë gjithashtu për diskutime mbi zhvillimet politike në Shqipëri dhe marrëdhëniet shqiptaro-amerikane.
