Rrëfimi i Andrea Ranocchias: Nga ankthi në tunelin e San Siros te triumfi i titullit me Interin

Andrea Ranocchia, ish-kapiteni dhe mbrojtësi i Interit, ka ndarë kujtimet e tij më të thella për karrierën në një bisedë me të përditshmen italiane Il Corriere della Sera, duke kaluar nga një dëmtim i rëndë deri te momenti i ngritjes së trofeut të Serie A me klubin milanez.

Ish-mbrojtësi italian ka rikthyer në mendje periudhat më të ndritshme dhe më të errëta të aventurës së tij te Interi.

Të lidhura

None found

“Kalimi në Milano ishte një ëndërr e bërë realitet për mua. Megjithatë, vetëm një vit më parë kisha pësuar këputje të ligamentit krucial te Bari dhe kjo më la jashtë Kupës së Botës 2010. Kur mbërrita te Interi, cikli i ekipit që fitoi tripletën po mbyllej, Moratti nuk ishte më aty dhe trajnerët ndërronin vazhdimisht”, u shpreh Ranocchia.

Ish-qendërmbrojtësi përshkroi me hollësi kohën e vështirë që e priste në klub. “Situata ishte kaotike, ndiheshim të bllokuar dhe çdo seancë stërvitore ishte bërë një peshë e rëndë. Besimi im te vetja u shkatërrua plotësisht. Arrita në pikën ku pyesja veten nëse do të mund të luaja sërish futboll në çfarëdo niveli, jo vetëm në Serie A. Nuk e njihja më njeriun që shihja në pasqyrë.”

“Për shkak se kisha qenë pjesë e klubit për shumë vite, u bëra objektivi kryesor i kritikave për rezultatet negative. Më duhej të dëgjoja fishkëllima dhe ofendime në stadium, në rrugë dhe në rrjetet sociale. Ishte një përvojë shkatërruese”, shtoi ai.

Pasojat e kësaj presioni u shtrinë edhe përtej fushës së lojës, duke prekur jetën e tij personale.

“Humba qetësinë shpirtërore. Nuk ndihesha mirë dhe shmangia daljet nga shtëpia. Isha i mbushur me dëshpërim dhe apati, nuk ndieja më asnjë emocion dhe asgjë nuk kishte më rëndësi. Depresioni pati ndikim të drejtpërdrejtë edhe te performanca ime. Teksa prisja në tunelin e San Siros për të hyrë në fushë, këmbët më dridheshin para se të dilja para tifozëve.”

Një tjetër moment që e lëndoi thellë ishte heqja e shiritit të kapitenit. “E mora vesh që më ishte hequr shiriti në ndeshjen e parë miqësore. Kur hyra në dhomat e zhveshjes, vura re që shiriti nuk ishte më në fanellën time, por në atë të Icardit.”

Procesi i rimëkëmbjes nisi me hapin e guximshëm për të kërkuar ndihmë profesionale. “Kërkova mbështetje jashtë klubit, fillova të punoja me një psikolog dhe mësova ta pranoja dobësinë time pa e gjykuar veten. Edhe eksperienca jashtë vendit më ndihmoi jashtëzakonisht shumë.”

“Fillova ta shijoja sërish futbollin ashtu siç e kisha shijuar në fëmijëri, si një pasion të pastër, duke u fokusuar vetëm te loja. Një tjetër avantazh ishte se nuk dija anglisht, kështu që nuk e kuptoja çfarë thoshin njerëzit rreth meje”, tha ai me humor.

Pas rikthimit te Interi, roli i trajnerit Luciano Spalletti doli të ishte vendimtar. “Gjatë një seance stërvitore, një tifoz më ofendoi dhe Luciano u vërsul menjëherë drejt tij për të më mbrojtur. Fatmirësisht, kishte një gardh midis tyre. Do t’i jem përjetësisht mirënjohës për atë gjest.”

Momenti kulminant i rrugëtimit të tij erdhi me fitimin e kampionatit me Interin në sezonin 2021. “Ai titull ishte përmbledhja e gjithë historisë sime, nga të gjitha peripecitë deri te ai sukses madhështor”, përfundoi ish-mbrojtësi italian.


kumar siteleriBursa Escortkumar sitelericasibomgrandpashabet girişgrandpashabet girişgrandpashabet girişgüvenilir bahis sitelerigrandpashabetgrandpashabet güncel girişdeneme bonusu veren sitelercasinofast güncel girişstarzbetonline notarylimanbetgiftcardmall/mygiftmarsbahismarsbahiscasibomgüvenilir bahis sitelerizlotjojobetjojobetjojobetjojobetjojobet girişjojobet girişjojobetjojobetjojobet girişbahis sitelerigrandpashabetGrandpashabet giriş