Bota e korporatave mund të jetë një vend vicioz. Njerëzit do të bëjnë gjithçka për të ecur përpara edhe në kurriz të individëve të tjerë siç rrëfen ky person.
Çdo burrë dhe grua është për veten e tij kur vjen puna për të ngjitur shkallët e korporatës. Në përpjekjet e tyre për të arritur pozicionin dhe suksesin sa më shpejt që të jetë e mundur, njerëzit priren të shtypin njerëzimin e tyre për të arritur qëllimet e tyre.
Një ish-Drejtor Kryesor Operativ (COO) i një kompanie kimike zbuloi praktikën e pahijshme në një postim anonim, i cili u postua në faqen e Facebook të Humans of Kuala Lumpur.
Ai zbuloi realitetet e ashpra pas pushimeve nga puna dhe mënyrën dinak që ata arritën të ndikonin në të.
Ai shkroi:
“Unë kam qenë Drejtor Kryesor Operativ (COO) i një kompanie kimike. Por kam turp t’ju tregoj gjërat që bëja në korporata. Kur duam të heqim njërëz nga puna, në vend që t’i ofrojmë një ofërtë pushimi nga puna, ose thjeshtë t’i lragojmë, ne ju a “nximë” jetën. I poshtërojmë ata në takime, u themi se nuk po performojnë, ne ristrukturojmë organizatën dhe u ulim vjetërsinë e tyre dhe vendosim njerëz të rinj si shefa të tyre. Përfundimisht edhe personat më të fortë nuk mund të qëndrojnë dhe do të dalin nga vetja.”
Është një rreth vicioz siç thotë ai, “Kjo është ajo që më mësuan në korporata dhe kjo është ajo që bëra. Por ju nuk e kuptoni se të gjitha përfundimisht kthehen tek ju.”
Gjithmonë ka dikush që është i gatshëm të bëjë punën e pistë për drejtuesit më të lartë në mënyrë që të hyjë në listën tyre të mirë dhe të fitojë favorin e tyre me shpresën për të marrë një promovim. Kjo kulturë që vë përballë kolegun kundër kolegut është e shfrenuar në fushën e korporatës.
Ai thotë, “Nëse jeni në nivelin e menaxherit, është mirë sepse jeni thjesht operacional. Pasi të arrini në një pozicion drejtues të lartë, atëherë fillon politika. Njerëzit bëhen xhelozë për ju, njerëzit ju godasin me thikë dhe ata do të bënin gjithçka për t’ju hequr qafe. Kjo është ana e shëmtuar e kulturës së korporatës dhe fatkeqësisht ana e errët e natyrës njerëzore.”
Ai kishte dhënë gjithçka për punën e tij, por një ditë bëri një hap prapa dhe pa se çfarë i kishte munguar gjatë rrugës.
Ai thotë:
“Një natë vonë pashë një album të vjetër fotografik të familjes sime, të gruas dhe fëmijëve të mi të bukur dhe kuptova se 20 vitet e fundit kaluan në një mjegull. Mezi mbaja mend fëmijët e mi kur u rritën dhe që gruaja ime është bërë më e vjetër, ishte sikur sapo u zgjova nga koma dhe humba kujtesën”.
Ai la punën dhe thotë se është vërtet mirënjohës që i është dhënë një shans i dytë në jetë.
Tani ish-COO operon një biznes modest të tij kimik dhe tregton në një treg lokal gjatë fundjavave. Ai pranon se po kursen më shumë para tani se më parë. Truku ishte të shkurtoni shpenzimet për luks të panevojshëm dhe të merrni kohë për të vlerësuar gjërat më të thjeshta që jeta ofron./albeu.com/
