Kreu i PD-së Lulzim Basha përmes një postimi në Twitter shkruan se shteti është i kapur nga korrupsioni dhe duke qenë i tillë nuk u shërben qytetarëve.
Më tej në postim shkruan gjithashtu se, kjo krizë korrupsioni po varfëron qytetarët, po largon të rinjtë dhe po asfikson ekonominë. Zgjidhja, sipas liderit demokrat, është vettingu i politikanëve.
“Një shtet i kapur nga korrupsioni nuk i shërben qytetarëve, por një pakice që gjallon në kurriz të shumicës dërrmuese të shqiptarëve, ndaj edhe buxheti është në funksion të PPP-ve klienteliste, jo të familjeve dhe sipërmarrjeve të ndershme.
Kjo krizë korrupsioni po varfëron qytetarët, po largon të rinjtë e të rejat dhe po asfikson ekonominë. Zgjidhja është pastrimi i politikës nga të korruptuarit dhe politikanët e lidhur me krimin. Zgjidhja është vettingu në politikë”, shkruan Basha./albeu.com
1/2 Një shtet i kapur nga korrupsioni nuk i shërben qytetarëve, por një pakice që gjallon në kurriz të shumicës dërrmuese të shqiptarëve, ndaj edhe buxheti është në funksion të PPP-ve klienteliste, jo të familjeve dhe sipërmarrjeve të ndershme. pic.twitter.com/Sf3OCNjb9g
— Lulzim Basha (@lulzimbasha_al) November 9, 2021
