Pas tre javësh nga nisja e punimeve në lumin e Mërturit në Tropojë për ngritjen e tre pritave malore dhe devijimin e rrjedhës së tij, rreth 300 banorë të krahinës së Nikaj-Mërturit, të shoqëruar edhe nga aktivistë mjedisorë, dolën në protestë kundër projektit të Koorporatës Elektroenergjitike Shqiptare, të cilin e konsiderojnë të munguar në transparencë. Sipas tyre, zbatimi ka nisur pa u zhvilluar asnjë konsultim me komunitetin dhe pa asnjë tabelë që të tregojë natyrën e ndërhyrjeve.
Gjatë këtyre 3 javëve, ekskavatorët kanë hapur mbi 1 km të shtratit të lumit të Mërturit. Për këtë arsye, ambientalistët paralajmërojnë se ndërtimi i këtyre digave në rrjedhën e lumit mund të sjellë tjetërsim dhe dëmtim të pakthyeshëm të shtratit të tij.
Të lidhura
None found
Nikaj-Mërturi ka statusin e Parkut Natyror Rajonal që nga viti 2014. Ndërkohë, si një hap paraprak për të shmangur përplasjen me banorët, ekskavatorët janë tërhequr nga zona. Banorët nga ana e tyre thonë se protestat nuk do të ndalen derisa projekti të anulohet.
