Ish-krerët e UÇK-së, të akuzuar për krime lufte, kanë dalë para seancës në Hagë, 9 muaj që nga koha kur janë ngritur aktakuzat ndaj tyre.
Avokati i Hashim Thaçit është ankuar në senacë për këtë vonesë, dhe ka thënë se, ishte vetë Zyra e Prokurorit të Specializuar që kërkonte që gjykimi të niste në korrik dhe tani nuk janë vetë gati.
“Ne duam të shprehim çudinë tonë që ende janë në përgatitje këto raporte ekspertësh. Në nëntor, ZPS-ja tha se nuk kishte asnjë arsye pse të mos fillonte gjyqi këtë muaj dhe tani po na thuhet që janë ende në përgatitje tri raporte ekspertësh dhe se nuk do të jenë gati për afatin e përcaktuar”, tha avokati.
Nga ana tjetër, Zyra e Prokurorit të Specializuar është justifikuar duke njoftuar se janë 5 dëshmitarë ndërkombëtarët për të cilët nuk janë marrë ende miratimet për raportet e ekspertëve./albeu.com
