Autobusi me mbështetësit presidentit turk, Rexhep Tajip Erdogan, është përplasur me një kamion në Turqi.
Për pasojë kanë mbetur të plagosur 22 persona. Ngjarja ka ndodhur në autostradën e Anadollit në Sararya, ndërsa mësohet se, autobusi kishte votues të partisë së Erdoganit, AK, të cilët po ktheheshin nga Stambolli për në Ordu.
Mediet turke raportojnë 22 personat e plagosur nga aksidenti janë dërguar në spitalet e Sakaryas dhe Kocaelit pasi u nxorën nga autobusi i aksidentuar dhe pas kontrolleve përkatëse, ata u dërguan në shtëpi.
Rexhep Tajip Erdogan u rizgjodh dje president i Turqisë për 5 vitet e ardhshme.
Ai arriti të merrte 51.4 % të votave, kundrejt kandidatit të opozitës, Kemal Kilicdaroglu, i cili ka arritur të marrë 48.6 % të votave.
Ditën e sotme u mbajt raundi i dytë i zgjedhjeve presidenciale, pasi në zgjedhjet e 14 majit, asnjëri prej kandidatëve nuk arriti të siguronte shumicën e nevojshme me mbi 50 % të votave për t’u zgjedhur president.
/albeu.com/
