Anketa: Ja kush do t’i fitoj zgjedhjet në Maqedoni

Në një anketë të zbatuar nga Qendra Maqedonase për Bashkëpunim Ndërkombëtar, gjysma e qytetarëve vlerësojnë se Kryetari i tyre i Komunës nuk meriton të rizgjidhet. Gjithsej 57% e shqiptarëve vlerësojnë se kryetari i komunës nuk meriton të vazhdojë, për dallim nga maqedonasit me 37.9%.

Krahas kryetarëve të komunave, qytetarët janë shprehur dhe për partitë politike.

Të pyetur se për cilën parti politike do të votojnë në zgjedhjet lokale, 22.4% e qytetareve kanë thënë se do të votojnë për VMRO-DPMNE-në, kurse 21.6% për LSDM-në. Për BDI-në do të votonin 8.0%, kurse për ASH-në 6.2%. Për “E Majta” 5.2%.

Për Qendrën Maqedonase për Bashkëpunim Ndërkombëtar, anketën e ka zbatuar M-Prospekt. Të dhënat ishin grumbulluar me anketë telefonike në periudhën nga 17 deri më 24 Mars 2021. Anketa është zbatuar me 1.003 të anketuar.


Shtuar 23.04.2021 18:35