Edhe pse jemi në mars, Kukësi është zbardhur nga reshjet e dëborës. Intensiteti i reshjeve në zonat e larta malore ka qenë i lartë dhe për fare pak kohë kanë arritur ta zbardhin plotësisht vendin.
Tashësia e borës në mbi 800 m ka arritur në 10 cm, ndërsa në qytet dhe fshatrat e ulëta ende nuk ka zënë shtresë për shkak se shoqërimit të dëborës me shi.
Ndërkohë, edhe tuneli i Kalimashit është mbuluar nga bora si dhe rruga e Kombit.
Borëpastrueset janë në rrugë për të mbajtur në gatishmëri situatën për pastrimin dhe kriposjen.
Deri në këto momente nuk ka probleme sa i përket qarkullimit të automjeteve në rrugë, megjithatë drejtuesit e mjeteve duhet të tregojnë kujdes për shkak të lagështirës dhe dëborës.
Në pjesën e dytë të javës së ardhshme parashikohet stabilizim i situatës meteorologjike, ku priten kthjellime dhe intervale më të gjata me diell. Në fundjavën e ardhshme pritet një rritje e temperaturave rreth vlerës mesatare të stinës.
