Në afërsi të Manastirit të Banjskës janë gjetur pesë armë, të cilat dyshohet se i përkasin ngjarjeve që ndodhën në shtator të vitit 2023.
Lajmin për Gazetën Express e ka konfirmuar Veton Elshani nga policia e Mitrovicës së Veriut.
“Në afërsi të Manastirit të Banjskës në Zveçan janë gjetur pesë armë. Mjetet ushtarake dyshohet se i përkasin ngjarjeve të shtatorit të vitit të kaluar”, tha Elshani për Gazetën Express.
Në shtator 2023, polici Afrim Bunjaku mbeti i vrarë në veri të Kosovës, pas një sulmi nga persona të armatosur në Leposaviç.
Ngjarja e rëndë ka ndodhur në fshatin Banjska të Leposaviçit ku është sulmuar patrulla policore.
Ngjarja ndodhi rreth orës 03:00 të mëngjesit të 24 shtatorit. Persona të maskuar bllokuan rrugën makinës së policisë me dy kamionë në aksin Mitrovicë-Leposaviç.
Më pas ata qëlluan në drejtim të makinës së policisë, ku për pasojë humbi jetën efektivi Bunjaku.
