Kryeministri i RMV-së, Hristijan Mickoski, duke komentuar ecurinë e prodhimit industrial, deklaroi se rritja me rreth 3,4% gjatë tremujorit të dytë tregon se gjendja është stabilizuar përfundimisht pas 25-26 muajve të kësaj qeverie. Sipas tij, ky zhvillim duhet të vijojë edhe në periudhën e ardhshme.
Të lidhura
None found
“Në rrethanat aktuale, prodhimi industrial përbën një tregues me rëndësi të jashtëzakonshme. Veçanërisht domethënëse është rritja e shënuar në tremujorin e dytë, e cila tejkalon 3% dhe, nëse nuk gaboj, arrin rreth 3,4%. Megjithatë, edhe më inkurajues është fakti se po zgjerohet industria përpunuese.
Kjo do të thotë se rritja nuk mbështetet te shërbimet apo te ndonjë sektor tjetër, por buron nga industria përpunuese. Këto të dhëna janë sinjalet e para se, pas 24, 25-26 muajve të kësaj qeverie, më në fund po vijnë zhvillime pozitive, ose thënë më saktë, situata është stabilizuar. Tani duhet të vazhdojmë ta zhvillojmë dhe ta rrisim atë.
Për këtë arsye, pres që një ecuri e tillë të vazhdojë edhe gjatë periudhës së ardhshme”, u shpreh Mickoski.
