Nënkryetari i Lidhjes Demokratike të Kosovës, Gazmend Muhaxheri, ka shprehur kritika ndaj mënyrës se si kryetari i partisë, Lumir Abdixhiku, e ka arritur marrëveshjen me Lëvizjen Vetëvendosje për kandidatin presidencial.
Të lidhura
None found
Duke folur për Indeksonline, Muhaxheri u pyet rreth figurës së Bekim Sejdiut, i propozuar si kandidat konsensual për president të Republikës së Kosovës.
Ai sqaroi se nuk ka kundërshtime ndaj Sejdiut si personalitet, por vuri në pikëpyetje procedurën e ndjekur për marrjen e këtij vendimi brenda LDK-së.
“Si figurë nuk e kontestoj. Është dashtë me e thirr këshillin e përgjithshëm, aty me u diskutu”, deklaroi shkurt Muhaxheri.
Marrëveshja për kandidaturën e Bekim Sejdiut u bë e ditur një ditë më parë nga lideri i Lëvizjes Vetëvendosje, Albin Kurti, dhe kreu i LDK-së, Lumir Abdixhiku, të cilët njoftuan se ai do të jetë kandidat konsensual për president të Republikës së Kosovës.
