Një shtetase e Shqipërisë, e shpallur në kërkim ndërkombëtar nga autoritetet shqiptare të drejtësisë, është ekstraduar nga Kosova.
Të lidhura
None found
Operacioni u krye në pikën kufitare të Vërmicës nga Drejtoria për Bashkëpunim Ndërkombëtar Policor, në bashkërendim me njësitet përkatëse të Policisë së Kosovës dhe institucionet e drejtësisë.
Shtetasja ishte ndaluar më herët nga autoritetet kosovare, pasi ndaj saj ishte aktivizuar një letërreshtim ndërkombëtar përmes INTERPOL-it, me kërkesë të institucioneve të drejtësisë së Shqipërisë.
Ajo akuzohet për “ndihmë në kalim të paligjshëm kufitar” dhe “falsifikim të dokumenteve”, vepra që, sipas autoriteteve, dyshohet se janë kryer në kuadër të një grupi të strukturuar kriminal.
Pas mbylljes së procedurave të nevojshme, shtetasja iu dorëzua autoriteteve kompetente të Republikës së Shqipërisë, të cilat do të vijojnë procedurat ligjore ndaj saj.
