Instituti Kombëtar i Shëndetësisë Publike të Kosovës (IKShPK) ka bërë të ditur se në javën e fundit janë konfirmuar katër raste të reja me fruth.
Të lidhura
None found
Sipas të dhënave të institutit, nga 16 prilli deri më 30 gusht 2026 janë regjistruar gjithsej 151 raste me fruth.
IKShPK njofton se më shumë se 95 për qind e personave të prekur nuk kanë qenë të vaksinuar me vaksinën MMR, çka sipas institutit dëshmon rëndësinë e imunizimit për mbrojtjen e fëmijëve nga kjo sëmundje.
Përveç vaksinimit të rregullt, instituti ka intensifikuar edhe procesin e vaksinimit të vonuar, të njohur si catch-up.
Gjatë këtij viti, rreth 2,500 fëmijë të grupmoshës 2–5 vjeç janë vaksinuar përmes kësaj fushate.
IKShPK u ka bërë thirrje prindërve që t’i vaksinojnë fëmijët, duke theksuar se vaksinimi është mbrojtja më e mirë kundër fruthit.
