Mimoza Kusari, kryetare e Alternativës, e cila është në koalicion me Lëvizjen Vetëvendosje, u ka bërë thirrje të gjithë deputetëve që të votojnë për kandidaturën e Bekim Sejdiut për President të Kosovës.
Të lidhura
None found
Përmes një postimi në Facebook, ajo ka vlerësuar se Prof. Dr. Bekim Sejdiu duhet të marrë mbështetje, pasi vendit i nevojitet një President që e përfaqëson shtetin përtej përplasjeve dhe ndarjeve partiake.
Sipas Kusarit, Sejdiu është një figurë që respekton Kushtetutën, fuqizon institucionet dhe kontribuon në bashkimin e qytetarëve.
“Me përvojën e tij si profesor i së drejtës, ish-gjyqtar i Gjykatës Kushtetuese, diplomat dhe Ambasador i Kosovës, Prof. Sejdiu sjell integritet, profesionalizëm dhe përvojë institucionale.
Në këtë moment, zgjedhja e Presidentit duhet të jetë mbi interesat partiake. Duhet të jetë zgjedhje për Republikën”, ka shkruar ajo.
