Një ceremoni për ndarjen e 109 vendimeve të punësimit u zhvillua sot në Amfiteatrin e Spitalit Klinik të Tetovës, për punonjësit e këtij institucioni shëndetësor.
Të lidhura
None found
Zëvendëskryeministri i parë, Bekim Sali, mori pjesë në këtë aktivitet dhe vlerësoi se punësimet përbëjnë një hap konkret në drejtim të rritjes së kapaciteteve të Spitalit Klinik të Tetovës.
Sali tha se vendimet vijnë pas një periudhe të shoqëruar me sfida dhe përpjekje të shumta. Sipas tij, ato do të ndihmojnë personelin shëndetësor dhe do të kontribuojnë në krijimin e kushteve më të mira për funksionimin e institucionit.
“Këto vendime dëshmojnë përkushtimin tonë për forcimin e kapaciteteve të Spitalit Klinik të Tetovës, mbështetjen e punonjësve shëndetësorë dhe ndërtimin e një sistemi shëndetësor më efikas e cilësor”, deklaroi Sali.
Ndarja e vendimeve të punësimit është pjesë e masave të ndërmarra për shtimin e burimeve njerëzore dhe përmirësimin e shërbimeve shëndetësore në Spitalin Klinik të Tetovës.
