Aktorja amerikane Hayden Panettiere, e njohur për rolet e saj në serialet “Heroes” dhe “Nashville”, si dhe në filmat “Scream 4” dhe “Scream VI”, është ndarë nga jeta në moshën 36-vjeçare.
Lajmi është konfirmuar nga përfaqësuesi i saj për mediat amerikane.
Të lidhura
None found
Shkaku i vdekjes nuk është bërë ende i ditur. Familja e saj ka kërkuar kohë dhe privatësi në këtë moment të vështirë.
Babai i aktores, Alan “Skip” Panettiere, e kujtoi të bijën me fjalë prekëse, duke e përshkruar si një njeri të jashtëzakonshëm që sillte dashuri dhe gëzim te njerëzit që e njihnin, si dhe te miliona fansa që e ndiqnin në ekran.
Panettiere e nisi karrierën që në fëmijëri dhe fitoi famë ndërkombëtare me rolin e Claire Bennet në serialin “Heroes”. Më pas, ajo u bë e njohur edhe për rolin e Juliette Barnes në “Nashville”, performancë për të cilën mori dy nominime për Golden Globe.
Aktorja ishte gjithashtu pjesë e filmave “Remember the Titans” dhe serisë “Scream”. Në vitet e fundit, ajo foli publikisht për vështirësitë personale, përfshirë depresionin pas lindjes dhe problemet me varësinë.
Hayden Panettiere ishte nënë e një vajze, Kaya, e lindur në vitin 2014 nga marrëdhënia e saj me ish-kampionin ukrainas të boksit Wladimir Klitschko.
