Jason Arday, ish-profesor në Universitetin e Kembrixhit dhe figurë qendrore e një debati mbi plagjiaturën, është gjetur i vdekur.
Të lidhura
None found
Shërbimet e emergjencës bënë të ditur se Arday u gjet pa shenja jete të premten pasdite në Battersea, në jug të Londrës.
Policia Metropolitane u njoftua nga Shërbimi i Ambulancës së Londrës. Sipas policisë, 41-vjeçari u shpall i vdekur në vendngjarje, ndërsa familjarët e tij janë vënë në dijeni.
Javën e kaluar, Arday dha dorëheqjen nga posti i profesorit të sociologjisë së arsimit në Kembrixh, pas ngritjes së akuzave për plagjiaturë dhe pikëpyetjeve mbi disa nga arritjet e tij. Ai i kishte hedhur poshtë këto pretendime.
“Për momentin, vdekja e tij po trajtohet si e papritur, por nuk besohet të jetë e dyshimtë”, deklaroi Policia Metropolitane.
Akademiku 41-vjeçar kishte mohuar se kishte kryer plagjiaturë, ndonëse kishte pranuar se në punën e tij kishte gabime. Javën e kaluar, ai tha se zemërimi i kohëve të fundit kishte sjellë “një nivel të pamëshirshëm të shqyrtimit publik dhe sulmit personal”.
