Vapa e muajit gusht ka ndikuar në gjendjen shëndetësore të popullatës. Brenda 24 orëve, urgjenca pediatrike në QSUNT pret mesatarisht rreth 250 fëmijë që kanë nevojë për trajtim mjekësor.
Pediatrja e urgjencës, Anisa Potka, sqaron se rastet e paraqitura lidhen me shqetësime të ndryshme. Mes tyre nuk kanë munguar as urgjencat shëndetësore të shkaktuara nga qëndrimi në plazhe dhe pishina.
Të lidhura
None found
Sipas mjekëve, virozat e stinës së verës prekin çdo grupmoshë, ndërsa te fëmijët nevojitet vëmendje më e madhe. Ata këshillojnë që, sapo të shfaqen simptomat e para, të kontaktohet menjëherë mjeku i familjes. Gjithashtu, rekomandohet një ushqyerje e shëndetshme dhe marrja e sa më shumë lëngjeve.
