Zjarri në Krujë/ Riaktivizohet zjarri në fshatin Zidoll, flakët u afrohen sërish depove të eksplozivit

Një vatër zjarri është riaktivizuar sërish në fshatin Zidoll të Krujës, duke rikthyer alarmin në zonë.

Ashtu si dy ditë më parë, flakët po përhapen me shpejtësi në afërsi të depove ku ruhet lënda eksplozive e përdorur nga guroret e zonës.

Terreni i thyer dhe shpati i thepisur malor po vështirësojnë tejet masivisht ndërhyrjen e mjeteve operative të shërbimit zjarrfikës nga toka, duke bërë që kontrolli i perimetrit të zjarrit të mbetet mjaft i ndërlikuar.