Pas një periudhe të shkurtër kërkimi, trupi i 32-vjeçarit banor i Libonikut (Bashkia Maliq) u nxor nga ujërat e liqenit të Pogradecit, aty ku ndërroi jetë vetëm pak minuta më parë.
Më pas, trupi u transportua në morgun e Spitalit të Pogradecit dhe po vazhdojnë procedurat për të sqaruar dinamikën e ngjarjes.
Të lidhura
None found
Raportohet se i riu ndodhej së bashku me dy individë të tjerë mbi një varkë me pedale. Gjatë momenteve të argëtimit, ata po shtynin njëri-tjetrin dhe viktima ka rënë aksidentalisht në ujë. Sipas burimeve, frika e momentit dhe fakti që nuk ishte notar i zoti bënë që 32-vjeçari të mbytet, ndërsa shokët e tij nuk ishin në gjendje t’i ofronin ndihmë.
