Në Gjykatën Themelore të Prishtinës do të zhvillohet sot seanca paraprake për çështjen penale ku 21 të pandehur përballen me akuza për krime të kryera gjatë luftës ndaj popullatës civile.
Të lidhura
None found
Departamenti Special i kësaj gjykate ka konfirmuar se në bankën e të akuzuarve figurojnë emrat: Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.
Akuza e ngritur ndaj tyre është për veprën penale “Krime lufte kundër popullsisë civile”.
Sipas njoftimit zyrtar të gjykatës, Prokuroria Speciale e Republikës së Kosovës ka kërkuar që procedimi të zhvillohet në mungesë të të pandehurve, duke qenë se ata nuk kanë qenë të kapshëm deri në fazën e ngritjes së aktakuzës.
Nëpërmjet një komunikate publike, Gjykata u ka bërë thirrje të akuzuarve të dorëzohen vullnetarisht pranë autoriteteve të ndjekjes penale të Republikës së Kosovës.
