Një valë evakuimesh masive ka përfshirë zonat qendrore të Spanjës, ku më shumë se 63 mijë qytetarë janë detyruar të braktisin banesat si pasojë e zjarreve të fuqishme, bëri të ditur Ministria e Brendshme.
Të lidhura
None found
Rajonet e prekura përfshijnë Madridin, Toledon dhe Avilën, teksa autoritetet kanë marrë masën e ndërprerjes së përkohshme të korrjeve me makineri bujqësore, për të parandaluar çdo rrezik që flakët të shtrihen më tej.
Ministrja për Tranzicionin Ekologjik, Sara Aagesen, deklaroi se zjarri që kaploi provincën e Avilës ka përshkuar më tepër se 50 mijë hektarë sipërfaqe, duke e renditur atë si më të madhin në të gjithë historinë e vendit.
Vetëm në Avila, urdhri i evakuimit ka prekur mbi 25 mijë banorë, ndërkaq që të paktën 8,700 persona të tjerë janë udhëzuar të qëndrojnë të mbyllur në shtëpitë e tyre për shkak të kërcënimit të drejtpërdrejtë nga zjarri.
