Një përplasje e ndodhur rreth orës 20:30 të së enjtes, në zonën e lodrave në Shëngjin, ka lënë të plagosur një person.
Nga të dhënat paraprake rezulton se gjatë konfliktit i dëmtuari është goditur me tytën e një pistolete zhurmuese. Ai u dërgua me urgjencë në Spitalin Rajonal të Lezhës, ku po trajtohet nga mjekët. Sipas burimeve, gjendja e tij nuk paraqet rrezik për jetën.
Të lidhura
None found
Policia ka shoqëruar një person të dyshuar pas ngjarjes dhe ka sekuestruar në vendin e incidentit pistoletën zhurmuese që dyshohet se u përdor në përleshje.
Hetimet vijojnë për të sqaruar të gjithë dinamikën dhe shkaqet e konfliktit, si dhe për të dokumentuar plotësisht rastin e për të përcaktuar përgjegjësitë e personave të përfshirë.
