Mëngjesin e sotëm, vatra e zjarrit në zonën e quajtur “Antenat”, mes territorit të fshatit Lekas dhe Voskopojës, është aktivizuar sërish për shkak të erës së fortë.
Informacionet zyrtare bëjnë të ditur se punonjësit e Shërbimit Pyjor dhe forcat e Njësisë Administrative Voskopojë ndodhen aktualisht në terren, ku po ndërhyjnë për të izoluar dhe neutralizuar vatrat aktive.
Të lidhura
None found
Ndërkohë, drejt zonës janë nisur edhe forca të tjera mbështetëse, të organizuara për të fuqizuar operacionin dhe për ta vendosur situatën nën kontroll sa më shpejt.
Autoritetet po e mbajnë situatën në monitorim të vazhdueshëm, ndërsa priten njoftime të tjera lidhur me zhvillimet dhe masat që po zbatohen për shuarjen e plotë të zjarrit.
