Tre adoleshentë mbetën të plagosur mbrëmjen e sotme në lagjen “Banesa” të qytetit të Elbasanit, pas një përplasjeje që përshkallëzoi në përdorimin e armës së zjarrit.
Të dhënat paraprake tregojnë se të rinjtë u përfshinë fillimisht në një konflikt, i cili më pas degjeneroi në të shtëna. Tre të lënduarit u dërguan me urgjencë në Spitalin Rajonal të Elbasanit, ku po marrin trajtim mjekësor.
Të lidhura
None found
Pas sinjalizimit për ngjarjen, forca të shumta të Policisë së Elbasanit shkuan në vendin e incidentit, rrethuan zonën dhe nisën punën për sqarimin e plotë të rrethanave.
Motivet e konfliktit mbeten ende të panjohura, ndërsa autoritetet po punojnë për të identifikuar dhe kapur personat e përfshirë.
Një njoftim zyrtar nga policia pritet të japë hollësi të tjera për ngjarjen, identitetin e të plagosurve dhe gjendjen e tyre shëndetësore.
