Joshua Kerry, një shtetas britanik 28 vjeç, është vënë nën akuzë për vrasjen e ish-ministres Anne Widdecombe. Ai pritet të paraqitet para Gjykatës së Magjistraturës në Westminster, në Londër.
Të lidhura
None found
Widdecombe, 78 vjeçe, u gjet më 9 korrik në banesën e saj në jugperëndim të Anglisë, me plagë të rënda në trup. Vdekja e saj u regjistrua në fillim të këtij muaji.
Hetuesit po përpiqen të përcaktojnë motivet e mundshme të krimit, si dhe të verifikojnë nëse ngjarja mund të ketë lidhje me qarqe politike ose terroriste. Frank Ferguson, prokuror pranë Shërbimit Special të Krimeve dhe Kundër Terrorizmit, bëri të ditur se hetimi vazhdon dhe se asnjë pistë nuk është përjashtuar.
Gjatë periudhës 1992-1997, Anne Widdecombe shërbeu si ministre në qeverinë konservatore të John Major. Më pas, ajo u shndërrua në një prej figurave të njohura të Reform UK, partisë së Nigel Farage, duke vepruar si zëdhënëse për emigracionin dhe drejtësinë.
Edhe pse u largua nga parlamenti në vitin 2010, Widdecombe mbeti e angazhuar në jetën publike përmes qëndrimeve të saj politike. Ajo njihej për pikëpamjet konservatore, kundërshtimin e legalizimit të abortit dhe pozicionimet mbi çështjet sociale.
Ish-deputetja britanike ishte konvertuar edhe në katolicizëm. Vendimin e saj e kishte lidhur pjesërisht me kundërshtimin ndaj shugurimit të grave në Kishën e Anglisë.
Autoritetet britanike po vazhdojnë punën për të sqaruar plotësisht rrethanat e vdekjes dhe për të identifikuar motivin e dyshuar të sulmit.
