Të premten, Rama mbledh grupin parlamentar socialist dhe kabinetin, zbardhet mesazhi për deputetët

Kryeministri Edi Rama pritet të mbledhë këtë të premte Grupin Parlamentar të Partisë Socialiste dhe kabinetin qeveritar në një mbledhje të zgjeruar.

Mësohet se takimi do të zhvillohet në orën 09:30 në Pallatin e Brigadave.

Mbledhja vjen rreth një muaj pas takimit të fundit të zgjeruar të Partisë Socialiste, ku u analizua puna e qeverisë dhe u dhanë orientime për vijimin e reformave dhe objektivave të ekzekutivit.

Ende nuk janë bërë publike detaje mbi rendin e ditës.