Dinamo doli pa pikë nga përballja e parë e raundit të parë kualifikues në Conference League, pasi u mund 0-1 nga Astana në takimin e luajtur në stadiumin “Elbasan Arena”.
Edhe pse skuadra e drejtuar nga Ilir Daja paraqiti një lojë të mirë, ishin miqtë ata që arritën të merrnin suksesin. Goli i vetëm i ndeshjes u realizua nga Ramazan Karimov në minutën e 69-të, pas një kundërsulmi që rezultoi fatal për vendasit.
Të lidhura
None found
Në këtë mënyrë, Dinamo e humbet duelin e parë, por gjithçka mbetet e hapur për ndeshjen e kthimit. Takimi i radhës do të zhvillohet më 16 korrik, në orën 17:00, në stadiumin “Astana Arena”.
