Kreu i Partisë MUNDËSIA, Agron Shehaj, ka publikuar një video-mesazh për këngëtarin Kanye West, në të cilin e fton të mos zhvillojë koncertin në Shqipëri dhe të mos pranojë shumën që, sipas tij, i ka vënë në dispozicion kryeministri Edi Rama.
Sipas Shehajt, 4 milionë eurot që po jepen nga Rama janë para të shqiptarëve, të cilët ai i përshkroi si popullin më të varfër në Europë.
Të lidhura
None found
Ai i kërkoi artistit amerikan të mos lidhet me kryeministrin Rama, të cilin e quajti autokrat, duke theksuar se një refuzim i koncertit do ta bënte të paharrueshëm.
“Kanye West, kam një kërkesë për ty! Unë jam lideri i një partie opozitare në Shqipëri.
Refuzo paratë që kryeministri Edi Rama po të jep! Hiq dorë nga koncerti në Shqipëri! Edi Rama të ka dhënë 4 milionë euro.
Janë para që u përkasin popullit më të varfër në Europë. Ti nuk ke nevojë për ato para.
Ti je miliarder. Ti e ndërtove suksesin tënd përmes punës tënde. Mos u bëj palë me Edi Ramën. Refuzo paratë e këtij autokrati.
Do të mbahesh mend! Do të bësh histori!” – deklaroi Agron Shehaj në video-mesazhin e tij në rrjetet sociale.
