Aktivistët dhe qytetarët që protestojnë në Tiranë kanë mbërritur në ditën e 38-të rresht të tubimit të tyre. Edhe këtë të hënë, rreth orës 19:00, ata u grumbulluan fillimisht në sheshin “Skënderbej”, ku vazhduan me thirrjet ‘Rama jepe dorëheqjen’ dhe ‘Rama në burg, Berisha në burg’.
Më pas, pjesëmarrësit u drejtuan përgjatë Bulevardit ‘Dëshmorët e Kombit’, duke u ndalur përballë godinës së Kryeministrisë.
Të lidhura
None found
Gjatë dy orëve të ardhshme pritet të mbahen fjalime nga disa prej të pranishmëve, ndërsa në vijim protestuesit do të nisin marshimin e përnatshëm nëpër rrugët e Tiranës.
Kërkesa kryesore e kësaj lëvizjeje vijon të jetë largimi nga detyra i Kryeministrit Edi Rama dhe i qeverisë aktuale, të cilën protestuesit e shohin si objektivin qendror të kësaj proteste që po vazhdon.
