Kosova ka hyrë në një etapë të re sa i përket politikës së pagave, pasi paga minimale është ngritur në 500 euro, duke e vendosur tashmë mbi nivelin e pagës minimale në Maqedoninë e Veriut.
Rreth 150 mijë punëtorë të sektorit privat pritet të përfitojnë nga kjo rritje. Kryeministri në detyrë, Albin Kurti, tha se gjatë mandatit të tij paga minimale është rritur tri herë, duke kaluar nga 130 dhe 170 euro në 250, më pas në 350, 425 dhe tani në 500 euro.
Të lidhura
None found
Në Maqedoninë e Veriut, paga minimale neto arrin në 26.046 denarë, ose rreth 423 euro, çka e bën Kosovën më të lartë se vendi fqinj në këtë tregues ekonomik.
Kurti u shpreh se ky ndryshim është pjesë e politikave për ngritjen e standardit të jetesës dhe se rritja ekonomike do të vazhdojë të shoqërohet me përmirësim të mirëqenies për qytetarët.
