Kryeministri Edi Rama ka shpërndarë në rrjetet sociale pamje nga Banjot Termale të Bënjës në Përmet, ku një natë më parë u zhvillua një festë.
Ky reagim i Ramës vjen pas raportimeve në media dhe shqetësimeve të ngritura nga turistët, të cilët në kulmin e sezonit turistik i kishin gjetur vaskat bosh.
Të lidhura
None found
Në postimin që shoqëron videon, kreu i qeverisë shkruan se deri dje në Banjot Termale të Bënjës situata ishte e tillë që nuk kishte vend as për të ecur dhe as për t’u ulur.
Më tej, Rama u bën thirrje qytetarëve që ta vizitojnë Bënjën dhe #Përmetin në çdo fundjavë.
“Banjat e Bënjës mbrëmë, me energjinë e festës që ndezi këtë oaz natyre e turizmi, ku deri dje ankoheshim, me të drejtë, se s’kishe ku të ecje e as ku të uleshe.
Sot festa vazhdon, prandaj ejani në Bënjë dhe ejani në #Përmet çdo fundjavë, sepse çdo fundjavë do t’ju lindë dëshira të ktheheni sërish”, ka shkruar Rama në rrjetet sociale.
