Vetëm disa orë pasi Izraeli dhe Libani firmosën në Uashington një marrëveshje të fundit kornizë, nga zona kufitare mes dy shteteve raportohen bombardime ajrore.
Sipas Agjencisë Kombëtare të Lajmeve të Libanit, gjatë natës forcat izraelite goditën zonën pranë qytetit Markaba, rreth 1.5 kilometra larg kufirit me Izraelin. Deri në këto momente, nuk ka informacione zyrtare për viktima apo për dëme materiale të shkaktuara nga incidenti.
Të lidhura
None found
Raportimet vijnë menjëherë pas nënshkrimit të një “marrëveshjeje kornizë” mes dy vendeve, e cila parashikon ndalimin e armiqësive, hapjen e negociatave për një marrëveshje gjithëpërfshirëse paqeje, si edhe bashkëpunim për çështje që lidhen me kthimin e trupave dhe lirimin e të burgosurve.
Sekretari amerikan i Shtetit, Marco Rubio, e ka përshkruar këtë marrëveshje si një “hap të parë” drejt stabilizimit të marrëdhënieve ndërmjet palëve.
Deri tani, autoritetet izraelite dhe ato libaneze nuk i kanë konfirmuar zyrtarisht njoftimet për bombardimet në Markaba.
