Luan Dalipi, ish-udhëheqës i kabinetit të kryeministrit në detyrë Albin Kurti, pritet të emërohet drejtor ekzekutiv i Agjencisë së Investimeve dhe Eksportit, që funksionon në kuadër të Zyrës së Kryeministrit.
Ministria e Digjitalizimit dhe Administratës Publike njoftoi se Dalipi u rendit i pari mes kandidatëve në konkursin për këtë pozitë. Sipas të dhënave të publikuara, ai grumbulloi 80.6 pikë në total, nga të cilat 24 pikë në testin me shkrim dhe 56.6 pikë në intervistë.
Të lidhura
None found
Në vendin e dytë në këtë proces përzgjedhës u radhit Alban Maliqi me 73.8 pikë gjithsej, prej të cilave 29 pikë nga testi me shkrim dhe 44.8 pikë në intervistë.
Për ankesat eventuale është paraparë një afat prej 30 ditësh në Këshillin e Pavarur Mbikëqyrës për Shërbimin Civil të Kosovës.
Dalipi e mbajti postin e shefit të kabinetit të kryeministrit për rreth pesë vjet. Më 26 shkurt 2026, ai vetë kishte bërë të ditur në Facebook se nuk do ta ushtronte më këtë funksion.
Agjencia e Investimeve dhe Eksporteve synon promovimin e investimeve dhe eksporteve në Republikën e Kosovës.
