PD thërret më 1 korrik mbledhjen e Këshillit Kombëtar, në axhendë zgjedhja e kryetarit dhe e Kryesisë

Partia Demokratike ka njoftuar se të mërkurën, më 1 korrik, në orën 18:00, do të zhvillohet mbledhja konstituive e Këshillit Kombëtar.

Sipas njoftimit zyrtar, në rendin e ditës janë parashikuar zgjedhja e kryetarit të Këshillit Kombëtar, zgjedhja e Kryesisë së Partisë Demokratike, si edhe shqyrtimi i çështjeve të tjera.

“Të nderuar znj/z anëtarë të Këshillit Kombëtar, duke ju uruar çdonjërin prej jush për zgjedhjen në institucionin më të lartë drejtues të PD ju njoftoj se Ditën e Mërkurë Dt 1 Korrik ora 18:00 do të zhvillohet mbledhja konstituive e Këshillit Kombëtar të PD me rend dite:

1-Zgjedhja e Kryetar/it/es së Këshillit Kombëtar

2-Zgjedhja e Kryesisë së PD

3-Të tjera”, thuhet në njoftim.