Ministrja në detyrë e Ekonomisë, Artane Rizvanolli, ka deklaruar se Qeveria në detyrë nuk është kundër gazit amerikan, por ka përzgjedhur alternativën më të lirë për qytetarët.
Në një video të publikuar në Facebook, ajo ka hedhur poshtë pretendimet se Kosova ka vendosur t’i japë përparësi importit të gazit nga vendet e rajonit në vend të prodhimit vendor të energjisë elektrike ose gazit amerikan.
Të lidhura
None found
Rizvanolli ka theksuar gjithashtu se Kosova paguan çmimin më të ulët të energjisë elektrike krahasuar me shtetet e rajonit.
“Përkundrazi, kemi zgjedhur thëngjillin, e burimet e ripërtëritshme të energjisë si era dhe dielli, kogjenerimin për ngrohje qendrore dhe efiçiencën e energjisë.
Ky kombinim mbështetet në burime vendore dhe është më i liri për qytetarët e bizneset tona. E dyta, nuk është e vërtetë që Qeveria e Kosovës është ‘kundër’ gazit të lëngëzuar nga SHBA-ja (LNG), siç thuhet”, ka deklaruar ajo në videon që e ka shpërndarë në Facebook.
