Arsid Kruja i ka dhënë fund futbollit të luajtur në moshën 33-vjeçare. Lajmi është bërë zyrtar nga klubi i Besëlidhjes, që përmes një postimi në rrjetet sociale ka njoftuar tërheqjen e mbrojtësit.
Në reagimin e saj, skuadra lezhjane ka falënderuar futbollistin për përkushtimin dhe kontributin e dhënë ndër vite me fanellën verdhekuqe.
Të lidhura
None found
Sezonin e fundit të karrierës së tij, Kruja e kaloi pikërisht te Besëlidhja, duke i vendosur kështu pikën një rrugëtimi të gjatë dhe të suksesshëm në futbollin shqiptar.
Gjatë viteve të tij në fushë, mbrojtësi ka qenë pjesë e disa skuadrave të elitës në vend, si Vllaznia, Teuta, Laçi dhe Flamurtari.
Në mesazhin e publikuar nga klubi thuhet: “Faleminderit Arsid Kruja”, si një vlerësim për gjithçka që ai ka dhënë si për ekipin, ashtu edhe për futbollin në përgjithësi.
Me këtë vendim, Arsid Kruja ul siparin e një kapitulli të rëndësishëm të jetës së tij sportive, duke u larguar nga futbolli profesionist.
