Zbardhet ekspertiza paraprake mjeko-ligjore për vdekjen Xhuana Nikolli, 25-vjeçarja që ndërroi jetë në QSUT, pasi u vetëhelmua me f*stoks*në. Gazetarja Klodiana Lala, ka siguruar detaje nga ekspertiza, ndërsa konfirmohet se e reja kishte shenja të dukshme në trup, për të cilat thuhet se janë shkaktuar nga ish-partneri i saj, Eraldo Fizi, i shpallur në kërkim nga policia.
Sakaq, dje u tha se e reja ishte shtatzënë, ndërkohë që ekspertiza vërtetoi të kundërtën. Në kallëzimin e bërë nga familjarët, ata pretendojnë se e reja është dhunuar në mënyrë brutale nga Fizi.
Para se të ndërmerrte aktin fatal, 25-vjeçarja kishte lënë edhe një letër. Sipas burimeve, në të ajo shkruante se nuk donte më që ata njerëz që i kishin bërë keq, të vazhdonin ta lëndonin.
Në fund të letrës, ajo u kërkonte ndjesë nënës dhe babait të saj.
