Presidenti ukrainas, Volodymyr Zelensky, tha se kishte vizituar vijën e frontit në rajonin e Donetskut, duke shtuar se Rusia po përgatitej për ofensivën e saj pranverore në rajon.
“Sot po vizitojmë rajonin e Donetskut, tokën tonë dhe luftëtarët tanë”, tha Zelensky në një postim në aplikacionin e mesazheve Telegram.
Ai gjithashtu postoi edhe një video të tij nga qyteti Druzhkivka.
“Është e rëndësishme që pozicionet tona të jenë të forta. E keqja duhet të ndalet. Kjo është pikërisht ajo që ukrainasit po bëjnë këtu në Donbas”, u shpreh ai.
Paqja mes dy vendeve duket ende shumë larg, teksa ka raportime se Rusia po përgatitet për sulmin pranveror ndaj Ukrainës.
