Paraditen e sotme rreth orës 11:20, një aksident ka ndodhur në kryeqytet, ku një i mitur është përplasur nga një automjet dhe ka ndërruar jetë në spital.
Policia thotë se ngjarja ndodhi në rrugën “Kastriotët”, ndërsa shoferi që shkaktoi aksidentin është larguar nga vendi i ngjarjes.
Policia po punon për zbardhjen e rrethanave të aksidentit, identifikimin dhe kapjen e autorit.
Tiranë/Informacion paraprak
Rreth orës 11:20, në rrugën “Kastriotët”, një automjet me drejtues ende të paidentifikuar, ka përplasur një shtetas të mitur rreth 7-vjeç, dhe më pas është larguar nga vendi i aksidentit.
Si pasojë, i mituri ka humbur jetën në spital.
Grupi hetimor po punon për identifikimin dhe kapjen e drejtuesit të automjetit, si dhe për sqarimin e rrethanave të aksidentit.
