Modelja Bella Hadid ka alarmuar ndjekësit e saj në rrjetet sociale teksa ka publikuar pamjet më të fundit që lidhen me shëndetin e saj.
Kështu, në disa foto të shpërndara së fundmi në rrjetin social Instagram, nga një dhomë spitali, modelja Bella shihet me një injeksion intravenoz dhe në një tjetër ajo dukej e skuqur, ndërsa mbulonte ballin me një fashë.
Krijuesja e parfumit “Orebella“, ndau gjithashtu foto të saj me një bluzë Pikachu, një foto me letra loje dhe një pamje të një darke me pica në shtratin e spitalit. Një foto e fundit e tregonte atë të strukur në cep të një ashensori ndërsa pinte një kafe. “Më vjen keq, gjithmonë them “Mia! ““ “Ju dua djema,” shkroi ajo në mbishkrimin e fotove.
Shfaqja e njollave kafe në lëkurë: shenja e mungesës së zinkut
Në postimet e fundit të modeles ka reaguar dhe motra e saj, Gigi, e cila ishte ndër të parat që komentoi, ajo shkroi: “Të dua! Shpresoj të ndihesh e fortë dhe mirë se e meriton, së shpejti!!!!!!”.
Fansat gjithashtu iu drejtuan komenteve me fjalë inkurajuese.
Edhe pse modelja e “Frankie’s Bikinis” nuk specifikoi arsyen e shtrimit në spital, ajo dha një përditësim të detajuar mbi trajtimin e sëmundjes së saj “Lyme” në një postim të ngjashëm nga një spital në vitin 2023.
Bella dhe anëtarët e familjes së saj nuk janë të vetmit personazhe të famshëm që po luftojnë me sëmundjen kronike, Justin Timberlake njoftoi diagnozën e tij me sëmundjen “dobësuese” në korrik.
